ROSELAND

其实我都只不过系大雄身边个个嘅翻版。

――――――――――――――――――――――――――――――― http://www.e-jason.net/doraemon/role.html

我后来明白咗。所有静宜都系绝无仅有嘅乌娘仔。
都有属于佢嘅绝无仅有嘅大雄。

―――――――――――――――――――――――――――――――――

由细到大。但凡我条仔都几乎俾人冠上过大雄之名。
其实我唔中意大雄。我唔中意长衫短裤圆形眼镜男。唔中意男人懦弱，郁d就喊。
 
我唔明白，作为完美嘅女主角，同完美嘅出木杉同学简直就系天造地设嘅一对。
凭乜野要嫁俾一个废柴？
仲一日到黑响众〔观众〕目睽睽之下要俾呢条柴装洗身个下先令人痛心疾首，
无异于当众俾人强暴。
或者就凭一只无敌机器猫？如果系咁做咩唔直接嫁俾叮当更好呢？
但系怕老鼠二头身一d都唔似猫嘅叮当，生理上偏偏中意真猫小美。
 
呢d设定，服得我交关。
－－－－－－－－－－－－－－－－－－－－－－－－－－－－－－－
不过宜家，我更加唔中意嘅系唔会哭嘅男人。只响我面前哭系无问题嘅。
身体痛会叫，心里痛会喊。人就系咁子先至系人。

 ＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

我妈话我鸦仔个阵，渠晚晚讲故事暗我咪觉。
呢个我无印象。
我有印象嘅系渠买好多公仔书过我睇。
所以你要理解我一日到黑发微梦嘅童话妄想症。
一如《叮当》女主角，对“公主”“王子”嘅呀耍向往异常。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

《白雪皇后》

我一直觉得我妈系世界上最靓嘅女人。
好似电视入面哥个周海媚。
佢有一头乌黑亮丽嘅长直发。皮肤又白。
所以我个阵觉得留长发先可以称为女人。
但系大人怕打理麻烦。小学3年级之前我一直都系蘑菇头。

知道咩系蘑菇头吗？
想象将一个圆形笊篱cup住你个头，用铰剪沿住个笊篱边边将你d头毛剪落来。
咁就搞掂一个蘑菇啦。
当然我个头唔系用一个笊篱来成就嘅。

我阿嫲有多年飞发经验，手势纯熟。
手起剪刀落，每次见到姑d头毛飘落来。我都好心痛。
但系我阿嫲对个个孙女一样炮制。
无咗比较对象就舒服一d。

不过无论点样子都好，我都想留头发。
因为我曾经俾一个5、6岁嘅“靓”仔叫我哥哥。
而且我每一次啦学前班个小朋友耍角色扮演个阵，专登扑跌〔第一声〕倒来跌鞋一d美感都无。
做乜野要跌鞋？灰姑娘12点米要跌鞋咯。

―――――――――――――――――――――――――――――――――
紧斯讲到，我妈系世界上最靓嘅女人。

但系每当我照镜个阵睇到嘅系一个着住女仔衣裳嘅蘑菇头男仔。
无话响后背底睇唔出，就算莫拆肋响前面都睇唔出性别。
所谓“男人头，女屎忽”。

有一次我发现一张自己嘅黑白一寸相。
我奇怪自己明明无映过咁嘅相嘎，而且入面个个我明明头毛要长d。
问我妈，我妈话系佢细个个阵映个喔。

又有一次，同我妈出街。遇上渠嘅青梅竹马。介绍之后，个叔叔话我个样同我妈细个一模一样。
我好开心。觉得个叔叔真正系个大好人。

我一直深信我大个之后一定好似我妈一样靓。
到时候我妈已经老咗，咁我就系最靓嘅女人。
―――――――――――――――――――――――――――――――

我妈呢十几年来一直上演《不老的传说》。
奉人就话我啦我妈子系两姊妹。
激Q死。

前几日睇翻以前姑d相，我妈感叹。
明明细个个阵我好似渠，点解越大越唔似嘅呢。

你边时边仔订会见过妒忌老母美貌嘅公主嘎？
―――――――――――――――――――――――――――――――

我明白咗，遗传变异真系好奇妙嘅野。

―――――――――――――――――――――――――――――――